پہلا ٹی20: نیوزی لینڈ کو سنسنی خیز مقابلے میں 2رنز سے شکست

باؤلرز کی عمدہ کارکردگی کی بدولت پاکستان نے نیوزی لینڈ کو تین ٹی20 میچوں کی سیریز کے پہلے میچ میں سنسنی خیز مقابلے کے بعد دورنز سے شکست دے دی۔

ابوظہبی میں کھیلے گئے سیریز کے پہلے میچ میں پاکستان نے ٹاس جیت کر پہلے بیٹنگ کا فیصلہ کیا تو اننگز کا آغاز کچھ اچھا نہ تھا اور 10رنز پر دونوں اوپنرز صاحبزادہ فرحان اور بابر اعظم پویلین لوٹ چکے تھے۔

اس موقع پر بیٹنگ آرڈر میں ترقی پانے والے آصف علی اور محمد حفیظ وکٹ پر اکٹھا ہوئے اور تیسری وکٹ کی شراکت میں 67رنز جور کر ابتدائی نقصان کا ازالہ کرنے کی کوشش کی۔